Një aktore nga Ohio gjatë fëmijërisë ka vuajtur nga depresioni i rëndë, ndërsa në një moment
është veshur si këngëtarja Britney Spears dhe kjo ia ka ndryshuar jetën. Kara Hayes ka qenë mashkull, ndërsa ka shpenzuar 60.000 funte për ta ndërruar gjininë dhe për t’u dukur si idhulli i saj.26-vjeçarja ka lindur mashkull, gjininë e ka ndërruar në vitin 2002, ndërsa ka bërë implante të gjinjve në mënyrë që t’i ngjante sa më shumë Britneyt.
Kur këngëtarja pati probleme psikike në vitin 2007 dhe bëri rruajtjen e kokës, Kara e bëri të njëjtën.
“Kur njerëzit më thoshin se i ngjaj Britneyt, ky ishte një kompliment i madh për mua. Mendoj se ajo është një femër shumë e fortë. Secili mashkull do të dëshironte të dilte me të”, ka thënë Kara.
Ajo ka vajtuar nga depresioni i rëndë në fëmijëri. Jeta e saj ndryshoi kur kishte shkuar në një festë shkollore e veshur me një kostum si Britney Spears. Në moshën 15 vjeçare, prindërit i lejuan që të merrte hormone femërore. Kara sillet dhe vishet si femër qe disa vite. Deri më tani në operacione, implante dhe flokë ka shpenzuar 60.000 funte.
