Marrëdhëniet e meshkujve me shoqet e tyre mund të nxiten nga një rrymë e "fshehtë" e
tërheqjes seksuale, pavarësisht se ndjenja nuk është reciproke. Këtë tregon një studim i ri, që ndër të tjera thotë se femrat janë më të prirura të konsiderojnë si platonike miqësinë e tyre me burrat dhe vetëm shpresojnë që të mund të zhvillohet diçka më shumë, nëse marrëdhënia e tyre është me probleme. E kjo duket sikur konfirmon atë thënien se "Burrat dhe gratë s'mund të jenë shokë, sepse pjesa seksuale gjithmonë bën të vetën...".
Ndryshimet e modeleve shoqërore të miqësisë në sferën e punës,
arsimit të lartë dhe të aktiviteteve të lira kanë sjellë që shoqëria mes
burrave dhe grave të arrijnë nivele të papara. Mirëpo, një instikt i
fshehur thellë, i zhvilluar gjatë qindra mijëra viteve të evolucionit,
mund ta bëjë gjithçka më të ndërlikuar sesa duket. Gjatë studimit, ku u
morën në pyetje meshkuj e femra që ishin miq midis tyre, rezultoi edhe
se gratë beqare e të lidhura, kanë të njëjin nivel tërheqjeje, po ashtu
si shokët e tyre meshkuj, mirëpo gratë e lidhura thjesht duan diçka më
shumë, nëse raporti i tyre është drejt prishjes.
Gjithashtu studimi tregoi se femrat janë më pak të tërhequr ndaj
burrave të lidhur. Pjesëtarët e studimit të publikuar në "Jorunal of
Social dhe Personal Relationships" kanë deklaruar edhe përfitimet që
kanë nga miqësia me gjininë e kundërt, duke veçuar sidomos marrjen e
këshillave të duhura dhe rritjen e besimit. Autorët e kërkimit të
Universitetit të Wisconsin, janë shprehur se filmat dhe programet
televizive, kanë ndihmuar gjithashtu idenë se shokët normalë mund të
shndërrohen në "shokë me përfitime", që mund të konsistojë pikërisht te
kryerja e marrëdhënieve seksuale me njëri-tjetrin.
