Femrat
e meshkujt kanë të njëjtat fantazi seksuale. Këtë të paktën pohon një
studim i Universitetit të Grandas, që zbulon se edhe femrat nuk kanë
ndonjë diferencë të madhe me meshkujt, kur bëhet fjalë për fantazi
seksuale. Thjesht, meshkujt duhet të kenë një sasi më të madhe fantazie,
në konfirmim të tezës sipas të cilës mendojnë më shpesh për seksin sesa
femrat.
Kërkuesit kanë përfshirë në studim 2250 spanjollë, burra e gra, me
mosha nga 18 deri 73 vjeç, të cilët kishin pasur një marrëdhënie
seksuale prej të paktën 6 muajsh dhe që u ftuan t’i përgjigjen një
pyetësori në formë anonime. Rezultatet kanë treguar se rreth 100% e
femrave dhe meshkujve, kishin pasur një fantazi seksuale në jetën e
tyre. Madje, gjinia femërore kishte pasur fantazi seksuale romantike më
shpesh sesa ajo mashkullore (disa herë në muaj), kurse burrat kishin
pasur fantazi më të shpeshtë, në lidhje me aktivitetet seksuale
“eksplorative” si seksi i grupit, shkëmbimi i çiftit, apo pjesëmarrja në
një orgji. Frekuenca e këtyre fantazive ishte mesatarisht prej 1 here
në vit.
Ndër të tjera, 80% e të intervistuarve kishte eksperimentuar një
fantazi seksuale negative në jetën e vet: për pjesën më të madhe, kjo do
të thoshte aktivitet seksual në fshehtësi. Ndërkohë kurioz është fakti
se ka rezultuar që gratë fantazonin më shpesh se burrat për t’u detyruar
të bënin seks, kurse te meshkujt, fantazitë negative më të shpeshta
ishin të lidhura me seksin homoseksual. Ky kërkim, që jep një farë
qartësimi mbi “mendjen seksuale” të njerëzve, është publikuar në
revistën spanjolle ''Anales de Psicologia'
