Formulari A2 i nevojshëm për të ndjekur studimet e larta, do të plotësohet online nga maturantët në të gjithë
vendin. Kjo paketë që aplikohet për herë të parë, do të nisë me Tiranën në datat 23 dhe 24 korrik. "Procedurat e aplikimit online fillojnë në qytetin e Tiranës, meqë ka numrin më të madh të maturantëve dhe vazhdon dy ditë. Me datë 25-26 është në rrethinat e Tiranës, Kamza, Durrësi, Kruja dhe me radhë. Kështu rreth pas rrethi, të gjithë aplikimet do të bëhen në laboratorët e shkollave të mesme dhe 9-vjeçare të Shqipërisë", tha Arben Fagu, drejtor Agjencisë së Pranimeve.
Për arsye sigurie dhe për probleme të tjera që mund të lindin
maturantët duhet plotësojnë formularin A2 edhe me dorë. "Çdo maturant
do ta ketë formularin mbi tavolinë, i cili do të jetë në raste ekstreme,
të themi ndërprerje aksidentale e energjisë elektrike, por ne na
shërben pastaj plotësimi me dorë, për një double check, kontroll të
dyfishtë", tha Fagu. Ashtu si dhe në vitet e kaluara të rinjtë që duan
të shkojnë në universitet, do të shënojnë 10 preferenca,dhe përmes
aplikimit online kanë mundësi të bëjnë rirenditjen e tyre.
