Një grua nga Panamaja është kapur nga policia në Spanjë, ndërsa tentonte të hynte në vend me dy qese me kokainë, thuajse dy kilogram.
Trafikantët e drogës e kishin detyruar 28 vjeçaren që të bëhej operacion dhe i kishin futur si implant dy qeset me kokainë.Ajo u ndalua në aeroportin e Barcelonës pasi kishte ardhur nga Kolumbia.Policia nisi të dyshonte tek ajo pasi nisi që të sillej në mënyrë të çuditshme.Ajo u dërgua me shpejtësi në spital, ku iu hoq droga e klasit A nga gjoksi. Mendohet se vlera e saj është afro 300 mijë euro.Policia tha se arrestimi i shpëtoi jetën, pasi ajo nuk do kishte mbijetuar shumë me atë sasi droge në trup.Në vitin 2011 një grua u ndalua në Itali, pasi kishte drogë në implantet e gjoksit dhe të të pasmeve.
